दिव्याखाली अंधार!
पंतप्रधान मोदी यांनी आपल्या मुंबई दौऱ्यात भाजप, शिंदे आणि अजित पवार गटाच्या आमदारांना कुलाब्यातील ‘आयएनएस आंग्रे सभागृहा’त मार्गदर्शन केलं. तिथं त्यांनी आमदारांबरोबर भोजनदेखील केलं. नौदलाच्या म्हणजे संरक्षण दलाच्या जागेत राजकीय मेळावे घेण्यास मान्यता आहे काय? जर ती असेल तर इतर राजकीय पक्षांनी त्यांचे मेळावे, बैठका, शिबिरे घेण्याची मुभा आयएनएस आंग्रे इथं आहे काय? या सभागृहात जे चहापान, भोजन वगैरे राजकीय कारणांसाठी झालं त्याचं बिल कोणी भरलं? मोदीसाहेबांनी प्रतिमा व नैतिकतेवर भाषण केलं म्हणून हे नैतिक प्रश्न आमच्या मनात निर्माण झाले! मोदींनी त्यांच्या लोकांना ब्रह्मज्ञान दिलं, पण सत्य काय आहे? दिव्याखाली अंधारच आहे, असा बोचरा टोलाही अग्रलेखात हाणला आहे.
