अमेरिकेचे राष्ट्राध्यक्ष डोनाल्ड ट्रम्प यांनी रशियासोबतच्या संबंधांमुळे भारतावर ५० टक्के शुल्क लादल्यानंतर जागतिक मुत्सद्देगिरीत मोठा बदल होण्याची चिन्हे आहेत. चीन, भारत आणि रशिया आता अमेरिकेच्या एकतर्फी धोरणांना एकत्रितपणे प्रत्युत्तर देण्याच्या दिशेने वाटचाल करू शकतात. यासाठी पंतप्रधान नरेंद्र मोदी लवकरच चीनमधील तियानजिन येथे होणाऱ्या शांघाय सहकार्य संघटनेच्या (SCO) शिखर परिषदेला उपस्थित राहणार आहेत, तर रशियाचे राष्ट्राध्यक्ष व्लादिमीर पुतिन या वर्षाच्या अखेरीस भारत दौऱ्यावर येणार आहेत.
