Agra Suicide Case: टीसीएस रिक्रूटमेंट मॅनेजर मानव शर्माने व्हिडीओ करत आत्महत्या केली. या घटनेला १३ दिवस उलटले आहेत. शनिवारी त्यांच्या डिफेन्स कॉलनी येथील निवासस्थानी त्याच्या कुटुंबियांकडून तेरावेचे विधी करण्यात झाले. मानवच्या फोटोसमोर आई-वडिलांसह बहिणीलाही अश्रू अनावर झाले. पत्नी निकिता आणि इतर आरोपींना अटक न केल्याने नातेवाईक खूप दुखावले गेले आहेत. डिफेन्स कॉलनीत राहणारे मानव शर्मा यांनी २४ फेब्रुवारी रोजी पहाटे ५ वाजता राहत्या घरी गळफास घेऊन आत्महत्या केली होती. मानवने व्हिडीओ बनवून पत्नी निकिता शर्मा आणि तिच्या माहेरच्या कुटुंबाला या आत्महत्येसाठी जबाबदार धरले होते. पोलीस या प्रकरणी तपस करत आहेत.
इतर लोकांविरोधातही केली तक्रार दाखल
मानवचे वडील नरेंद्र शर्मा यांनी पोलिसांकडे 27 फेब्रुवारीच्या रात्री पत्नी निकिता शर्मा, आई-वडील आणि दोन बहिणींविरुद्ध गुन्हा नोंदवला होता. शनिवारी मानव शर्मा यांचा तेराव्याचा विधी होता. तेराव्या विधीसाठी ठेवलेला मानवचा फोटो पाहून वडील नरेंद्र शर्मा, आई नीलम शर्मा आणि बहीण आकांक्षा यांना आपले अश्रू आवरता आले नाहीत.
हे ही वाचा : आमचा अपमान झाला म्हणणाऱ्या पाकिस्तानला ICC नं फटकारलं! ‘चॅम्पियन्स ट्रॉफी देताना तुमचे अधिकारी…’
पोलिसांना आरोपींना अटक करण्यात यश नाही
मानव शर्माच्या आत्महत्येला १३ दिवस उलटले असून गुन्हा दाखल होऊन नऊ दिवस उलटले आहेत. मात्र अद्यापपर्यंत पोलिसांना आरोपींना अटक करण्यात यश आलेले नाही. पोलिसांनी सांगितले आहे की आरोपींना पकडण्याचे प्रयत्न सुरू आहेत.
हे ही वाचा: ‘इग्नोर कर, झोप तू…’ TCS कर्मचारी मानव शर्माची पत्नी आणि बहिणीचे ‘त्या’ रात्रीचे व्हॉट्सॲप चॅट Viral
मानव हारला, आम्ही हारणार नाही
आरोपींना अटक न झाल्याने नातेवाईक खूप दुखावले आहेत. बहीण आकांक्षा म्हणाली की ” मानव हारला, आम्ही हारणार नाही. मी काही काळ अटकेची वाट पाहीन. पोलिसांनी आरोपींना अटक न केल्यास पुढील कारवाई करेन.”
हे ही वाचा: ‘माझ्या मामानेही माझ्यावर…’; आत्महत्या करणाऱ्या TCS मॅनेजरच्या पत्नीचा Video Viral
पोलिसांचे सोशल मीडिया अकाउंटवर लक्ष
पोलीस मानवचा मोबाईल तपासत आहेत. मानवच्या कुटुंबीयांनी इतर पुरावेही पोलिसांना दिले आहेत. पोलिसांनी मानवची पत्नी निकिताचे सोशल मीडिया अकाउंटही शोधले आहे.
Disclaimer: जीवन अनमोल आहे. त्याचा पूर्ण आदर करा. प्रत्येक क्षणाचा आनंद घ्या. जर तुम्ही एखाद्या समस्येमुळे किंवा घटनेमुळे व्यथित असाल तर जीवनाचा त्याग करण्याची गरज नाही. चांगले आणि वाईट काळ येतच राहतात. परंतु जेव्हाही काही कारणास्तव तुम्हाला तीव्र निराशा, नैराश्य, ताण वाटेल तेव्हा सरकारने दिलेल्या ९१५२९८७८२१ या हेल्पलाइन क्रमांकावर संपर्क साधा.
