Satara Panchayat Samiti News : सातारा जिल्ह्यातील अकरा पंचायत समिती सभापती (Panchayat Samiti Chairman) निवडींकडे आज राजकीय वर्तुळाचं लक्ष लागलं आहे. पण सगळ्यात जास्त उत्सुकता आहे ती फलटण पंचायत समितीच्या (Phaltan Panchayat Samiti Chairman)सभापतीपदाच्या निवडीची. कारण येथे सत्तेचा आकडा कुणाच्याही बाजूने स्पष्ट नाही. एकीकडे राष्ट्रवादी-भाजप युतीकडे आठ जागा, तर दुसरीकडे शिवसेनेकडेही आठ जागा असल्याने सभापतीपदाचा पेच अधिकच वाढला आहे.
Satara Panchayat Samiti : अटीतटीच्या, हाय व्होल्टेज निवडणुकीनंतर आता सभापतीपदाची लढत प्रतिष्ठेची
दरम्यान, राजे गट आणि खासदार गट यांच्यात झालेल्या अटीतटीच्या, हाय व्होल्टेज निवडणुकीनंतर आता सभापतीपदाची लढत प्रतिष्ठेची बनली आहे. एका बाजूला माजी सभापती रामराजे नाईक निंबाळकर यांची प्रतिष्ठा पणाला लागली आहे, तर दुसऱ्या बाजूला माजी खासदार रणजितसिंह नाईक निंबाळकर आणि राष्ट्रवादीचे आमदार सचिन पाटील यांच्यासाठीही ही सभापतीपदाचे निवडणूक तितकीच महत्त्वाची मानली जात आहे.
Phaltan News : फलटणमध्ये नशिब, डावपेच आणि राजकारणाचा तिहेरी सामना
फलटणमध्ये सभापतीपदासाठी नशिब, डावपेच आणि राजकारणाचा तिहेरी सामना पाहायला मिळणार आहे. सदस्यांची पळवापळवी, शेवटच्या क्षणापर्यंत चालणारे राजकीय डावपेच आणि संभाव्य वादाच्या शक्यतेमुळे फलटण पंचायत समितीची सभापती निवड आता केवळ निवडणूक न राहता राजकीय प्रतिष्ठेचा रणसंग्राम ठरत आहे.आता या हाय व्होल्टेज सामन्यात नशीब कुणाच्या बाजूने उभं राहतं, हे पाहणं महत्त्वाचं ठरणार आहे.
Phaltan News : फलटणमध्ये निंबाळकर विरुद्ध निंबाळकर सामना
फलटणमध्ये गेल्या अनेक वर्षांपासून रामराजे नाईक निंबाळकर आणि रणजितसिंह नाईक निंबाळकर यांच्यात संघर्ष पाहायला मिळाला होता. काही दिवसांपूर्वी दोन्ही नेत्यांमध्ये मनोमिलन होणार अशा चर्चा रंगल्या होत्या. मात्र, त्यात पुढं काही घडलं नाही. आता पुन्हा दोन्ही निंबाळकर आमने सामने आले आहेत.
Phaltan : फलटणमध्ये आगीचे तांडव: तरडगावात 5 एकरातील गहू जळून खाक; हाता-तोंडाला आलेला घास हिरावला
फलटण तालुक्यातील तरडगाव परिसरातून एक अतिशय धक्कादायक घटना समोर आली आहे. काढणीला आलेलं सुमारे 5 एकरातील गव्हाचं पीक भीषण आगीत जळून खाक झालं आहे. तरडगाव येथील शेतात गव्हाचे काड्या पेटवत असताना शेजारी शेतात उभ्या गव्हाच्या पिकाला झळ बसल्याने पाच एकर गहू जळून खाक झाला आहे. या दुर्घटनेत शेतकऱ्याचे लाखो रुपयांचे आर्थिक नुकसान झाले आहे. जळालेल्या गव्हाच्या क्षेत्राचा पंचनामा करण्याची मागणी शेतकऱ्याकडून होत आहे.
इतर महत्वाच्या बातम्या
आणखी वाचा
