पं. विजयशंकर मेहता यांचा कॉलम: झोकून काम करा, पण आयुष्यालाही थोडा वेळ द्या

तुमच्या कामाला पूर्ण वेळ द्या. प्रत्येक काम झोकून करा, पण आयुष्यालाही नियमित वेळ द्या. आपण आपल्या कामात इतके गुंतून जातो की, आपण विसरतो की, जीवनही काही आहे. जीवन आपल्याकडून पूर्ण वेळ मागत नाही, कामाचे जग ते मागते. आता कमी वेळ देऊन तुम्ही पुढे जाऊ शकणार नाही. १० ते १४ तास काम करणे ही एक सामान्य गोष्ट आहे. तुम्ही ते कमी केले तर तुम्हाला बाजूला ढकलले जाईल. अशा वेळी आयुष्याला नियमित वेळ द्या. आणि विशेषतः चार वेळा थोडा वेळ द्या, पण खूप छान कोरलेला. सकाळी उठता, रात्री झोपता, जेवता आणि कुटुंबासोबत असता तेव्हा. जास्त वेळ देऊ नका, पण थोडा तरी अवश्य द्या. तुमचा प्रत्येक श्वास त्या क्षणाला, त्या कामाला समर्पित असावा. सकाळी उठताना स्वतःशी जोडले गेलात, जेवताना शांत झालात, झोपताना आत्म्यासोबत झोपण्याची तयारी केलीत आणि कुटुंबासोबत बसताना वैकुंठाची कल्पना केलीत तर मग पाहा, व्यवसायात गुंतवलेला वेळ भरपूर परतावा देईल.