पोलिसांनी दिलेल्या माहितीनुसार, पीडित मुलगी अकरावीच्या वर्गात शिकते. तिच्या आईचा मृत्यू झाला असून ती वडिलांसोबत राहते. ४२ वर्षीय वडील शेती करतात. मुलगी घरी एकटीच असल्याचे पाहून वडिलांनी मे २०२३ ते १७ जुलै २०२३ पर्यंत म्हणजे तीन महिने या अल्पवयीन मुलीवर वारंवार बलात्कार केला. घरात कोणी नसताना राहत्या घरात तसेच घराजवळच्या मोकळ्या जागेत चाकूचा धाक दाखवून तिच्यावर अत्याचार केला. वडिलाना घाबरून सुरुवातीला तिने ही गोष्ट कोणाला सांगितली नाही. मात्र वडिलांचा अत्याचार सहन न झाल्याने तिने ही गोष्ट आपल्या मैत्रिणीला सांगितली. त्यानंतर मैत्रिणीच्या नातेवाईकांनी पारगाव पोलीस ठाण्यात याची माहिती दिली.
