छोट्या पडद्यावरील लोकप्रिय मालिका ‘तारक मेहता का उल्टा चष्मा’ मालिकेतील सोढी म्हणजेच गुरुचरण सिंह हे गेल्या १० दिवसांपासून बेपत्ता असल्याची माहिती समोर आली आहे. पोलीस या प्रकरणी तपास करत असून अद्याप त्यांचा पत्ता लागलेला नाही. त्यांनी स्वत:च स्वत:ला किडनॅपिंग केल्याचे षडयंत्र रचल्याचा अंदाज पोलिसांनी वर्तवला आहे. मात्र, अद्याप त्यांचा पत्ता लागला नसल्यामुळे चाहते चिंतेत असल्याचे पाहायला मिळत आहे. आता गुरुचरण यांच्या वडिलांनी आदल्या दिवशी नेमके काय झाले होते हे सांगितले आहे.
