केंद्राच्या धर्तीवर आता राज्यातही योगासनांचा क्रीडा प्रकारात समावेश होणार!

आमदार सत्यजीत तांबे यांनी विधानपरिषदेत चर्चेत सहभागी होताना योगासनाचा समावेश शिवछत्रपती क्रीडा पुरस्कारांमध्ये करण्याची मागणी केली. ते म्हणाले, शिक्षण क्षेत्र, नोकरी,  पुरस्कार, किंवा राज्यशासनाच्या बाबतीत हे सगळे लाभ योगासन खेळाडूंना मिळाले पाहिजे. योगासन या क्रीडा प्रकाराचा २०२० मध्ये केंद्र सरकारने राष्ट्रीय खेळांमध्ये समावेश केला गेला आहे. सन २०२२ मध्ये झालेल्या राष्ट्रीय स्पर्धेत महाराष्ट्राला १४० मेडल मिळाले, त्यामध्ये १६ मेडल योगासनामध्ये मिळाले, त्यामुळे सरकारने या पुरस्कारांमध्ये योगासनाचा समावेश करावा, अशी मागणी त्यांनी केली. त्यावर उत्तर देताना क्रीडा मंत्री संजय बनसोडे म्हणाले, याबाबत तपासू व निर्णय घेऊ मात्र योगासनाचा अंतर्भाव करायलाच पाहिजे असा वरुन निर्णय आहे.