दुसरीकडे अंगठी घालायची वेळ आली तरी सायली कशी नाही आली? अशी विचारणा साक्षी करणार आहे. सायली परत न आल्यामुळे सगळे चिंतेत पडले होते. मात्र, अंगठ्या घालायचा क्षण येणार इतक्यात सायली तिकडे हजर होणार आहे. तिला पाहून अश्विन आनंदानेच किंचाळणार आहे. सायलीला दरवाजातून आलेलं पाहून साक्षीला थोडं हायसं वाटलं. मात्र, तिने सायलीला विचारलं की, तू तर गिफ्ट आणायला गेली होतीस? मग, कुठे आहे गिफ्ट? यावर उत्तर देताना सायली म्हणाली की, ‘मी गिफ्ट घेऊन आले नाहीये. इतक्या मोठ्या लोकांचं लग्न आहे, मग छोटसं गिफ्ट देऊन कसं चालेल? म्हणून एक भलं मोठं गिफ्ट तयार करून आले आहे.’
