नवाब मलिक यांना महायुतीत घेण्यास भाजप आणि उपमुख्यमंत्री देवेंद्र फडणवीस यांनी विरोध केला असतानाही आज राष्ट्रवादी काँग्रेसचे आमदार नबाव मलिक यांनी अखेर महायुतीतील अजित पवारांच्या राष्ट्रवादीत असल्याचं स्पष्ट केलं. अजित पवार यांच्या जनसन्मान यात्रेत नवाब मलिक आज व्यासपीठावर दिसून आल्याने त्यांनी आपली भूमिका उघड केली आहे. आज अजित पवार यांच्या राष्ट्रवादीकडून नवाब मलिक यांची कन्या सना मलिक यांना मोठी जबाबदारी देण्यात आली, तसेच मुंबईतील काँग्रेसचा एक आमदारही अजित पवारांच्या गळाला लागला आहे.
