बिहारच्या सारण जिल्ह्यातून एक धक्कादायक बातमी समोर आली आहे. आत्महत्या करण्यासाठी विहिरीत उडी मारणारी महिला सात दिवसानंतर जिवंत बाहेर आली आहे. सारणच्या पानापूर पोलीस ठाण्याच्या हद्दीतील महम्मदपूर गावात ही घटना घडली. गेल्या आठवडाभरापासून बेपत्ता असलेल्या महिलेची गावातील एका विहिरीतून जिवंत सुटका करण्यात आली. महिलेला तिच्या माहेरच्या लोकांनी रुग्णालयात दाखल केले आहे. इतके दिवस उपाशी राहिल्याने ती खूप अशक्त झाली आहे. सर्वात आश्चर्याची बाब म्हणजे विहिरीत दोन साप आणि विंचू असूनही त्यांनी महिलेला इजा पोहोचवली नाही.
