Bandra West assmebly constituency : विधानसभा निवडणुकीची घोषणा झाली नसली तरी राज्यातील प्रमुख पक्षांनी आतापासूनच तयारी केली आहे. इच्छुकांनीही जोरदार फिल्डिंग लावली आहे. मुंबईतील जागावाटपामध्ये काँग्रेस व ठाकरेंच्या शिवसेनेत खेचाखेची असली तरी काही जागांवर काँग्रेसनं तयारी सुरू केली आहे. भाजपचे मुंबई अध्यक्ष आशिष शेलार यांना घेरण्याची रणनीती महाविकास आघाडीनं आखली आहे. या मतदारसंघात काँग्रेसकडून माजी खासदार प्रिया दत्त यांना रिंगणात उतरवलं जाण्याची शक्यता आहे.
