आराम आणि रिलॅक्स असं काही नसतं! आयुष्यात यशस्वी व्हायचंय तर, शाहरुख खानचा हा ‘मंत्र’ ऐकाच!

या व्हिडीओमध्ये शाहरुख खान एका मुलाखतीत जीवनात यशस्वी होण्याचा मंत्र चाहत्यांसोबत शेअर करताना दिसला आहे. २०१३मध्ये दिलेल्या एका मुलाखतीतील शाहरुख खानचा हा व्हिडिओ अतिशय व्हायरल होत आहे. या व्हायरल व्हिडीओमध्ये शाहरुख खान त्याच्या यशाचा मंत्र सांगताना म्हणाला की, ‘तुम्हाला आयुष्यात यशस्वी व्हायचंय असेल, तर काही गोष्टी सोडाव्या लागतील. त्यातील पहिली गोष्ट म्हणजे जेवण. चांगलं जेवण, रिलॅक्स असं काही नसतं. मोठ्या महागड्या स्पामध्ये जाऊन, तिथे जी ट्रीटमेंट दिली जाते, तसे आयुष्य मुळीच नसते. आरामशीर जीवन, सुट्टीच्या दिवशी आराम, डोळ्यांवर काकडी ठेवून केलेला आराम, असं काहीच नाही. आयुष्यात जर तुम्हाला यशस्वी व्हायचं आहे, तर धावावं लागेल.’