सरकार चुकलं तर विधिमंडळाच्या बाहेर चुकांची जाणीव करून देऊ; राज ठाकरेंचा सरकारला इशारा

Raj Thackeray News: मुख्यमंत्री देवेंद्र फडणवीस (Devendra Fadnavis) यांनी आज मुख्यमंत्रीपदाची शपथ घेतली. तसेच एकनाथ शिंदे (Eknath Shinde) आणि अजित पवार (Ajit Pawar) यांनी उपमुख्यमंत्रीपदाची शपथ घेतली. या शपथविधी सोहळ्यानंतर पंतप्रधान नरेंद्र मोदी, गृहमंत्री अमित शहा यांच्यासह अनेक केंद्रीय मंत्र्यांनी नवे मुख्यमंत्री आणि उपमुख्यमंत्री यांचे अभिनंदन केले. शपथविधी सोहळ्यानंतर काही मिनिटातच मनसे अध्यक्ष राज ठाकरे यांनी मुख्यमंत्री देवेंद्र फडणवीस यांना शुभेच्छा दिल्या. पुढील पाच वर्ष सरकारच्या चांगल्या उपक्रमाला माझा पाठिंबा असेल, पण सरकार चुकलं तर विधिमंडळाच्या बाहेर चुकांची जाणीव करून देऊ, असा इशारा राज ठाकरेंनी दिला.