राज्यात अल्पवयीन मुलींवर अत्याचाराच्या घटनांमध्ये वाढ झाल्याचे पाहायला मिळत आहे. बदलापूरच्या घटनेने खळबळ माजली असतानाच नालासोपारा व वसईमधूनही अशाच प्रकारची घटना समोर आली आहे. आता तशीच घटना छत्रपती संभाजीनगरमधून समोर आली आहे. आध्यात्मिक शिक्षणासाठी आश्रमात राहाणाऱ्या दोन अल्पवयीन मुलींचे लैंगिक शोषण झाल्याचा प्रकार समोर आला आहे. आश्रमचालकानेच या मुलींवर अत्याचार केल्याची घटना उघडकीस आली आहे. हा धक्कादायक प्रकार छत्रपती संभाजीनगर येथे घडला आहे.
