वय वर्ष ८६ असणाऱ्या शुभा खोटे यांनी मतदान केल्यानंतर प्रसारमाध्यमांशी संवाद साधला. यामध्ये त्यांनी आपलं बहुमूल्य मत का द्यावं आणि यामुळे आपल्या देशाचा आणि आपला कसा विकास होणार यावर भाष्य केलं. मत देऊन बाहेर आल्यानंतर शुभा खोटे म्हणाल्या की, ‘आता उरलेसुरले दिवस सुखात जावेत म्हणजे झालं अशाच उमेदवाराला मी मत देऊन आले. मी योग्य उमेदवाराला मत दिलंय आणि आता आशा आहे की, आयुष्याचे उरलीसुरली वर्ष शांततेत आणि सुखात जातील. बस… आणखी काही नको… नागरिकांसाठी जे आवश्यक आहे ते प्रत्येकाला मिळणं हेच महत्त्वाचे आहे’, असं शुभा खोटे म्हणाल्या.
