राष्ट्रपती द्रौपदी मुर्मू यांनी उपराष्ट्रपती जगदीप धनखड़ यांचा राजीनामा स्वीकारला आहे. धनखड़ यांनी आरोग्याच्या कारणास्तव एक दिवस आधी राजीनामा दिला होता, जो राष्ट्रपती मुर्मू यांनी घटनेच्या कलम ६७ (अ) अन्वये तात्काळ स्वीकारला होता. या राजीनाम्यानंतर आता नव्या उपराष्ट्रपती निवडीची प्रक्रिया सुरू करण्याची तयारी सुरू झाली आहे. याबाबतअधिसूचना जारी करण्यात येणार असून त्यानंतर निवडणूक आयोगाकडून निवडणूक कार्यक्रम जाहीर करण्यात येणार आहे.
