‘ठरलं तर मग’ या मालिकेच्या आजच्या भागात प्रेक्षकांना एक गोड सरप्राईज मिळणार आहे. सुभेदारांचे घर आज पूर्ण लाल रंगात न्हाऊन निघाले आहे. अर्जुन सकाळी उठल्यानंतर, त्याला बेडरुममध्ये आजूबाजूला सगळीकडेच लाल रंग दिसणार आहे. बेडरूममध्ये लाल फुलांचं डेकोरेशन, लाल मेणबत्ती, लाल पडदे, लाल फुलदाणी बेडरूममध्ये आजूबाजूला सगळं लाल-लाल पाहून अर्जुन खूश झाला आहे. सायली रुममध्ये आल्यावर अर्जुन तिला याबद्दल विचारणार आहे. आज सगळं काही लाल रंगात दिसण्यामागचं कारण तरी काय?, असा प्रश्न अर्जुन सायलीला विचारणार आहे. त्यावर सायली त्याला म्हणणार आहे की, तुम्ही खाली तर चला, तिकडे तुमच्यासाठी आणखी एक सरप्राईज आहे.
