अपात्र रहिवाशांसाठी जागेचा शोध सुरू
जे रहिवासी मोफत घरांसाठी अपात्र ठरतील, त्यांना शहराच्या इतर भागात सवलतीच्या दरात भाडे/ मालकीची घरे उपलब्ध करून दिली जातील, अशी माहिती सूत्रांनी दिली. या रहिवाशांसाठी घरे बांधण्यासाठी डीआरपीपीएल सध्या मिठागरांची जमीन, रेल्वेची जमीन, बेस्ट डेपोची जागा आणि डम्पिंग ग्राऊंडची जमीन शोधत आहे. झोपडपट्टी पुनर्वसन प्राधिकरण (SRA) आणि रिकाम्या इमारतींचा ताबा असलेल्या इतर सरकारी यंत्रणांशी ही चर्चा सुरू असून, धारावीतील रहिवाशांना राहण्यासाठी त्यांचा वापर करता येईल का, याचा शोध घेतला जात आहे. ६०० एकर जागेत पसरलेल्या धारावीत पुनर्विकासानंतर शाळा, रुग्णालये, उद्याने आणि रस्ते सुसज्ज अत्याधुनिक वसाहती उभारण्यात येणार आहेत.
