एका बसमधून मुलाला दवाखान्यात नेले होते होते. खासगी बस हदगावकडून नांदेडकडे जात असताना नाठा पाटीजवळ रास्तारोको करणाऱ्या आंदोलकांनी अडवली. त्यानंतर बसमधून तीन महिला खाली उतरल्या. त्यांनी मुलाला नांदेडला दवाखान्यात न्यायचे असल्याने बस पुढे जाऊ द्या, अशी विनवणी केली. मात्र आंदोलनकांनी थोडीही दयामया न दाखवता बस रोखून धरली. बस जाऊ देत नसल्याने अखेर महिलांनी आंदोलकांशी झटापट केली. गाडीच्या ड्रायव्हर जवळ जाऊन ही महिला आक्रोश करत होती. त्याचवेळी या महिलेच्या हातातील बांगड्या देखीलही फुटल्या. मात्र मराठा आंदोलकांनी गाडी पुढे सोडली नाही. व्हायरल व्हिडिओमध्ये दिसते की, आंदोलक बस चालकाला दम देत आहेत की, गाडी पुढे घेऊन तर दाखव.. या घटनेचा व्हिडिओ आता व्हायरल होत आहे. मुलाला दवाखान्यात नेण्यासाठी आईचा आक्रोश पाहून बसमधील सर्व प्रवासी गहिवरले.
