कालकथित विशाखा इंद्रजित थोरात यांच्या पवित्र अस्थींचे कल्याणमध्ये आगमन
कल्याण (दि. ०८ एप्रिल २०२६) –कालकथित विशाखा इंद्रजित थोरात यांच्या पवित्र अस्थी आज पहाटे सुमारे ४ वाजता जपानमधील ओसाका येथून कल्याण येथे आणण्यात आल्या. थोरात साहेब स्वतः या पवित्र अस्थी सोबत घेऊन आले असून, परिसरात भाविकांमध्ये श्रद्धा व भावनांचा ओलावा पाहायला मिळत आहे.
आज दुपार १२ ते सायंकाळी ७ वाजेपर्यंत या पवित्र अस्थींचे दर्शन कल्याण येथील मंगला व्हॅली क्लब हाऊस येथे ठेवण्यात येणार आहे. या काळात मोठ्या संख्येने अनुयायी, नातेवाईक व नागरिक दर्शनासाठी उपस्थित राहण्याची शक्यता आहे.
तसेच, उद्या दि. ०९ एप्रिल २०२६ रोजी सकाळी दादर येथील चैत्यभूमी येथे पवित्र अस्थींचे विसर्जन करण्यात येणार आहे. या विधीसाठीही भाविकांनी मोठ्या संख्येने उपस्थित राहण्याचे आवाहन करण्यात आले आहे.
जलदान विधीची तारीख पुढे जाहीर करण्यात येईल, अशी माहिती संबंधितांकडून देण्यात आली असून, याची सर्वांनी नोंद घ्यावी, असे आवाहन करण्यात आले आहे.
