jammu and kashmir news : पीडीपीचे आमदार वहीद पारा यांनी सोमवारी जम्मू-काश्मीर विधानसभेत कलम ३७० हटवण्यास विरोध करणारा ठराव मांडला. याशिवाय जम्मू-काश्मीरचा विशेष दर्जा बहाल करण्याचीही मागणी त्यांनी विधानसभेत केली आहे. विधानसभेत सादर करण्यात आलेल्या या प्रस्तावाच्या निषेधार्थ भाजपच्या आमदारांनीही गोंधळ घातला. जम्मू-काश्मीरला पुन्हा विशेष राज्याचा दर्जा मिळावा आणि कलम ३७० पूर्ववत व्हावे, अशी मागणी वहीद पारा यांनी केली. जम्मू-काश्मीरला पुन्हा पूर्ण राज्याचा दर्जा देण्याची मागणीही त्यांनी केली. सध्या जम्मू-काश्मीर हा केंद्रशासित प्रदेश असून, या ठिकाणी दिल्लीसारखी विधानसभा आहे.
