चेन्नईत एका १५ वर्षीय मोलकरणीवर अत्याचार करून तिची हत्या करण्यात आल्याची घटना समोर आली आहे. या प्रकरणी पोलिसांनी पती-पत्नी असलेल्या दोघांना अटक केली आहे. तसेच अन्य ४ जणांना ताब्यात घेण्यात आले आहे. पोलिसांनी दिलेल्या माहितीनुसार, मेहता नगरमधील एका फ्लॅटमध्ये अल्पवयीन मुलीचा मृत्यू झाला. मृत्यूपूर्वी तिला प्रचंड शारिरीक यातना देण्यात आल्याचे समोर आले आहे. पीडितेला गरम लोखंड आणि सिगारेटचे चटके देण्यात आले होते.
