स्थानिक रहिवाशांनी दिलेल्या माहितीनुसार, गुरूवारी पहाटे त्यांना मोठा आवाज ऐकू आला. हा आवाज नेमका कशाचा आहे, हे पाहण्यासाठी नागरिक घराबाहेर पडले. त्यावेळी त्यांना तस्किल जखमी अवस्थेत जमीनीवर पडल्याचे दिसला. यानंतर त्यांनी त्वरीत स्थानिक पोलिसांना याबाबत माहिती दिली. पोलिसांनी घटनास्थळी धाव घेत तस्किलला रुग्णालयात दाखल केले. परंतु, तिथे डॉक्टरांनी त्याला मृत घोषित केले. याप्रकरणी पोलिसांनी चौकशी केली असता इन्व्हर्टर बॅटरीचा स्फोट झाल्याने तस्किलचा मृत्यू झाल्याचे समोर आले. या घटनेने आर्णी शहरात एकच खळबळ माजली.
