Yash Chopra Life Story: बॉलिवूडचे प्रसिद्ध दिग्दर्शक यश चोप्रा यांनी पडद्यावर रोमान्स आणि प्रेमाला नवा अर्थ दिला आहे. त्यांनी ‘दीवार’, ‘कभी कभी’, ‘डर’, ‘चांदनी’, ‘सिलसिला’, ‘दिल तो पागल है’, ‘वीर झारा’ असे अनेक दमदार रोमँटिक चित्रपट केले आहेत. यश चोप्रा यांनी कधीच मद्यपान आणि धुम्रपान केले नाही. पण, त्यांना वेगवेगळे खाद्यपदार्थ खाण्याची खूप आवड होती. यश चोप्रा यांचा जन्म २७ सप्टेंबर १९३२ ला लाहोरमध्ये झाला आणि त्यांचे शालेय शिक्षण लाहोरमध्ये झाले. १९४५मध्ये त्यांचे कुटुंब पंजाबमधील लुधियाना येथे स्थायिक झाले. यश चोप्रा यांना एकेकाळी इंजिनिअर व्हायचे होते. अभियांत्रिकीचे शिक्षण घेण्यासाठी तो लंडनलाही जाणार होते. पण त्यांच्या नशिबात काहीतरी वेगळेच लिहिले होते. या दरम्यान त्यांना चित्रपटांची गोडी लागली.
