रितेश देशमुख आणि जिनिलिया देशमुख यांचा हा व्हिडीओ नुकत्याच पार पडलेल्या ‘महाराष्ट्राचा फेव्हरेट कोण?’ या पुरस्कार सोहळ्यातील आहे. ‘महाराष्ट्राचा फेव्हरेट कोण? २०२३’ या पुरस्कार सोहळ्यात अभिनेता रितेश देशमुख याने ‘सर्वोत्कृष्ट दिग्दर्शक’ हा पुरस्कार पटकावला आहे. त्याला हा पुरस्कार जाहीर होताच जिनिलिया आणि रितेश यांच्या चेहऱ्यावर एक वेगळाच आनंद पाहायला मिळाला. यावेळी पुरस्कार स्वीकारताना रितेशने पत्नी जिनिलियाचे तोंडभरून कौतुक केले. ‘दिग्दर्शक म्हणून आपल्यावर विश्वास ठेवणारी पहिली व्यक्ती ही माझी पत्नी जिनिलिया देशमुख होती. त्यामुळे हा पुरस्कार तिच्यसाठी आहे’, असे रितेश देशमुख याने म्हटले. तर, पुरस्कार स्वीकारून खाली येताच त्याने सर्वांसमोर पत्नी जिनिलियाला मिठी मारली आणि कीस केलं. त्यांचा हा व्हिडीओ सोशल मीडियावर चर्चेत आला आहे.
