Tiger Kills Zookeeper: रोमानियातील पिटेस्टी प्राणिसंग्रहालयात एका छोट्याशा चुकीमुळे ५२ वर्षीय कर्मचाऱ्याला आपला जीव गमवावा लागला. मृत व्यक्ती वाघाला अन्न देण्यासाठी गेला होता. मात्र, तो पिंजऱ्याचा सुरक्षा दरवाजा बंद करण्यास विसरला. यानंतर वाघाने त्याच्यावर हल्ला केला. प्राणिसंग्रहालयातील इतर कर्मचाऱ्यांनी त्याला ताबडतोब जवळच्या रुग्णालयात नेले. मात्र, तिथे डॉक्टरांनी त्याला मृत घोषित केले. या भयानक घटनेमुळे इंटरनेटवर खळबळ उडाली आहे.
