बुधवार, २४ जानेवारी रोजी ही घटना घडली. पोलीस ठाण्यात बसवण्यात आलेल्या सीसीटीव्ही कॅमेऱ्यात ही घटना कैद झाली आहे. काही भटक्या कुत्र्यांच्या मागे एक बिबट्या पोलीस ठाण्यात घुसल्याचं या व्हिडिओत दिसत आहे. बिबट्याच्या भीतीनं पोलीस ठाण्यात घुसलेले कुत्रे वेगवेगळ्या खोल्यांमध्ये गेले. त्यांच्या मागोमाग बिबट्या घुसला आणि पहिल्या खोलीत गेला. तिथं त्यानं एका कुत्र्याची मानगूट पकडली आणि त्याला घेऊन पोलीस ठाण्याच्या आवारातील पाण्याच्या टाकीच्या दिशेनं गेला.
