मीडिया रिपोर्ट्समध्ये असाही दावा केला जात होता की, कुलविंदर कौरला तिची नोकरी परत मिळाली आहे, पण आता ती चंदीगड विमानतळावर काम करणार नाही, तर दुसरीकडे कुठेतरी काम करणार आहे. कुलविंदर कौर आणि तिच्या पतीच्या बदलीच्या बातम्या ऐकायला मिळत आहेत. कंगनाला थप्पड मारल्यानंतरही महिला जवानाला कामावर परत ठेवण्यात आले आहे, पण तिची बदली बंगळुरूला करण्यात आली आहे, ही बातमी सर्वत्र तुफान व्हायरल झाली होती. मात्र, आता खुद्द सीआयएसएफ जवान कुलविंदर कौर यांनीच या दाव्यांमध्ये किती तथ्य आहे, याच खुलासा केला आहे.
