कर्नाटकची राजधानी बेंगळुरुमध्ये सोमवारी एक दु:खद घटना घडली आहे. पत्रकार परिषद सुरू असतानाच कुरुपा समुदाय संघाचे अध्यक्ष आणि काँग्रेस नेते सी. के. रविचंद्रन (वय ६३) यांचे हृदय विकाराच्या तीव्र झटक्याने निधन झाले आहे. रविचंद्रन मुख्यमंत्री सिद्दारमय्या यांचे समर्थन करण्यासाठी पत्रकार परिषद घेत होते. त्याचवेळी त्यांना अचानक हार्ट अटॅक आला व ते हातात माईक असतानाच कुर्चीवरून कोसळले. त्यांचा जागीच मृत्यू झाला. त्यांच्या मृत्यूने काँग्रेस पार्टी आणि स्थानिय समुदायात शोककळा पसरली आहे.
