नागपूर : विदर्भात गेल्या काही दिवसांपासूंन जोरदार पाऊस सुरू आहे. नागपूर, वर्धा, चंद्रपूर, गोंदिया, गडचिरोली, वर्धा, यवतमाळ या ठिकाणी जोरदार पाऊस सुरू आहे. पुढील काही दिवस विदर्भात काही ठिकाणी अतिवृष्टीचा इशारा हवामान विभागाने दिला आहे. दरम्यान, अतिवृष्टीमुळे काही भागात पुरस्थिती निर्माण झाली आहे. गडचिरोली आणि चंद्रपूर येथे काही ठिकाणी पावसामुळे पुरस्थिती निर्माण झाली आहे. यामुळे तब्बल दीडशे गावांचा संपर्क तुटला आहे.
