वाणी कपूरचा जन्म २३ ऑगस्ट १९८८ रोजी दिल्लीत झाला. तिच्या वडिलांचा दिल्लीत फर्निचर निर्यातीचा व्यवसाय आहे. तर, तिची आई मार्केटिंग एक्झिक्युटिव्ह म्हणून काम करते. वाणी कपूरने (Vaani Kapoor) तिचे शालेय शिक्षण दिल्लीतूनच पूर्ण केले. मूळची दिल्लीची रहिवाशी असेलल्या वाणी कपूर हिने दिवंगत बॉलिवूड अभिनेता सुशांत सिंह राजपूतसोबत (Sushant Singh Rajput) आपल्या फिल्मी करिअरची सुरुवात केली. सुशांतसोबत ‘शुद्ध देसी रोमान्स’ हा पहिला चित्रपट केल्यानंतर अभिनेत्रीने कधीच मागे वळून पाहिले नाही. आजच्या काळात तिने हिंदी चित्रपटसृष्टीतील अनेक बड्या स्टार्ससोबत काम केले आहे.
