Tu Chal Pudha Latest Episode : ‘तू चाल पुढं’ या मालिकेत एकीकडे अश्विनी तिच्या प्रवासात पुढे जाताना दिसत आहे. तर, दुसरीकडे शिल्पी अश्विनीची मुलगी अर्थात मयुरीचा वापर करून तिलाच नेस्तनाबूत करताना दिसत आहे. अश्विनीचं पार्लर बंद व्हावं, तिच्या मुली तिच्यापासून दुरावल्या जाव्यात यासाठी शिल्पी सगळे प्रयत्न करत आहे. मात्र, आता शिल्पीचे हे सगळे प्रयत्न फोल ठरवून अश्विनी आपल्या नव्या व्यवसायाला सुरुवात करणार आहे. पार्लरसोबतच अश्विनी वाघमारे आता स्वतःचे ब्युटी प्रॉडक्ट लाँच करणार आहे. सामान्य गृहिणीच्या स्वयंपाक घरातील पदार्थच कसे सौंदर्य वाढवण्यात उपयोगी ठरतात हे अश्विनी सगळ्यांना पटवून देणार आहे.
