Tomato Price Drop: गेल्या दोन महिन्यांपासून टोमॅटोच्या किंमतीत प्रचंड वाढ झाल्याने ते आपल्या जेवणातून गायब झाले. मे महिन्यात १५ रुपयांनी विकले जाणारे टोमॅटो २०० रुपये किलो दराने विकला जात होता. घाऊक बाजारात टोमॅटोचा भाव ३०० रुपये किलोपर्यंत जाण्याची भीती घाऊक व्यापाऱ्यांनी व्यक्त केली होती. याच दरम्यान सर्व सामान्य नागरिकांना दिलासा देणारी माहिती समोर आली. नवी मुंबईच्या एपीएमसी भाजी मार्केटमध्ये टोमॅटोचा आवाक सर्वसाधारण होत असल्याने ग्राहकांना १०० रुपये प्रतिकिलोने विकले जात आहे. लवकरच टोमॅटो किंमतीत आणखी घट होईल, अशी शक्यता व्यक्त केली जात आहे.
