Tharala Tar Mag 11 September 2024 Serial Update: ‘ठरलं तर मग’ या मालिकेत आता एका मोठ्या सत्याचा खुलासा होणार आहे. नुकतंच या मालिकेत प्रियाला तिच्या वडिलांकडून म्हणजेच रविराज किल्लेदार यांच्याकडून चपराक बसली होती. गणपतीच्या आरती सतत बाधा आणणाऱ्या प्रियाला रविराज यांनी कानाखाली वाजवली होती. आधीच तिने आरतीसाठी येण्यास उशीर केला होता. यनंतर ती पारोशानेच आरतीचं ताट खेचून घेऊ लागली होती, हे बघून रविराज किल्लेदार चांगलेच संतापले होते. वडिलांकडून चपराक बसल्यानंतर प्रियाची बुद्धी ठिकाण्यावर आली. यावेळी तिने सगळ्यांसमोर सायलीचे माफी मागितली. परंतु, आता सायलीचा बदला घ्यायचा आहे, हे ठरवून तिनं पुढचा प्लॅन आखण्यास सुरुवात केली आहे.
