मराठी चित्रपटसृष्टीमधील चॉकलेट बॉय म्हणून ओळख असणारा अभिनेता म्हणजे स्वप्नील जोशी. तो कायमच त्याच्या भूमिकांनी प्रेक्षकांची मने जिंकताना दिसतो. सध्या स्वप्नील एका वेगळ्या कारणामुळे चर्चेत आहे. त्याने सोशल मीडियावर पोस्ट शेअर करत नवी लग्झरी कार खरेदी केल्याचे सांगितले आहे. खरं तर स्वप्नीलने एक सुंदर असे पत्र लिहून पोस्ट केले आहे. त्याच्या या पोस्टवर चाहत्यांनी कमेंट्स करत आनंद व्यक्त केला आहे.
