ठाण्यातील वाहतुकीत बदल
ठाण्यातही नवीन वर्षाच्या स्वागतासाठी शोभा यात्रा निघणार आहे. यामुळे ठाण्यातील वाहतुकीतही बदल करण्यात आला. कोर्टनाका चौक ते जांभळीनाका व बाजारपेठेच्या दिशेने जाणाऱ्या वाहतुकीस डॉ. बाबासाहेब आंबेडकर स्मारकाजवळ प्रवेशबंदी राहील. या मार्गावरील वाहतूक आनंद आश्रममार्गे, टॉवरनाका, तलावपाळीमार्गावरून पुढे वळवण्यात आली. याचबरोबर खारकरआळीपासून जांभळीनाक्याच्या दिशेने जाणाऱ्या वाहतुकीत बदल करण्यात आला. महाजनवाडी सभागृहाजवळ प्रवेशबंदी करण्यात आली. या मार्गावरची वाहतूक ही महाजनवाडी सभागृहापासून कोर्टनाकामार्गे वळवण्यात आली.
