श्याम बेनेगल यांनी केवळ चित्रपटच नाही, तर माहितीपट आणि जाहिरातीही बनवल्या आहेत. दैनिक भास्करच्या वृत्तानुसार, श्याम बेनेगल यांनी स्वतः सांगितले की, त्यांची प्रकृती ठीक नाही. त्यांच्यावर उपचार सुरू असून, डॉक्टरांनी विश्रांतीचा सल्ला दिला आहे. मात्र, किडनी निकामी झाल्याबद्दल त्यांनी काहीही सांगितले नाही. काही दिवसांपूर्वीपर्यंत श्याम बेनेगल बरे असल्याचे त्यांच्या कार्यालयातील लोकांनी सांगितले. मात्र, सध्या डॉक्टरांच्या सल्ल्यानुसार ते विश्रांती घेत आहेत.
