एकापाठोपाठ एक असे तीन रिअॅलिटी शो केल्यानंतर आता पुन्हा एकदा शिव ठाकरे स्टंटवर आधारित शो ‘खतरों के खिलाडी’च्या नव्या सीझनमध्ये दिणार आहे. शिवने देखील याचा खुलासा केला आहे की, तो रोहित शेट्टीच्या शोमध्ये झळकणार आहे. मात्र, हा शो करण्यासाठी शिवला मोठी किंमत मोजावी लागली आहे. या शोसाठी शिव ठाकरे याने दोन मोठ्या मराठी चित्रपटांची ऑफर नाकारली आहे. आता त्याने असे का केले, याचे उत्तर देखील त्याने एका मुलाखतीत दिले आहे. शिव नेहमीच म्हणतो की, आपल्याला मोठा अभिनेता व्हायचे आहे. असे असताना त्याने चित्रपट नाकारल्याने आता चाहते बुचकळ्यात पडले आहेत.
