आपल्यासाठीही रिचर्ड गेअर यांची कृती अनपेक्षित असल्याचे शिल्पा शेट्टीने म्हटले होते. दरम्यान, सार्वजनिक कार्यक्रमात अश्लील आणि असभ्य वर्तन केल्याप्रकरणी शिल्पा शेट्टीवर राजस्थानमधील वेगवेगळ्या भागात फौजदारी गुन्हे दाखल करण्यात आले होते. यानंतर राजस्थान न्यायालयाने शिल्पा आणि गेअरविरोधात अटक वॉरंटही काढले होते. तर, २०१७मध्ये सर्वोच्च न्यायालयाच्या आदेशानुसार हे प्रकरण मुंबईला वर्ग करण्यात आले होते. यानंतर जानेवारी २०२२मध्ये न्यायालयाने सदर प्रकरणात शिल्पा शेट्टी हिची निर्दोष मुक्तता केली होती.
