शबाना आझमी यांच्या वडिलांनी जावेद अख्तर यांना नकार द्यायला बऱ्याच गोष्टी कारणीभूत होत्या. शबाना या आधीच विवाहित असलेल्या जावेद अख्तर यांच्या प्रेमात पडल्या होत्या. केवळ लग्नच नाही, तर जावेद अख्तर यांना पहिल्या लग्नापासून दोन मुलं देखील होती. तर, या नात्याला नकार मिळण्याचं दुसरं मोठं कारण म्हणजे जावेद अख्तर हे शबाना आझमी यांच्यापेक्षा तब्बल १० वर्षांनी मोठे होते. या दोन मोठ्या कारणांमुळे शबाना आझमी यांचे आई आणि वडील दोघांचाही या नात्याला आणि विवाहाला कडाडून विरोध होता. मात्र, शबाना आझमी यांनी सगळे विरोध झुगारून लावत जावेद अख्तर यांच्याशी लग्नगाठ बांधली होती.
