तपास यंत्रणा एनआयएने आपल्या आरोपपत्रात म्हटले आहे की, लॉरेन्स बिश्नोईच्या टोळीत सध्या तब्बल ७००हून अधिक शूटर सक्रिय आहेत. ही टोळी प्रसिद्ध पंजाबी गायक सिद्धू मुसेवाला याच्या हत्येमागे आणि इतर अनेक हायप्रोफाइल हत्यांमागील सूत्रधार आहे. या वर्षाच्या सुरुवातीपासूनच सलमान खानला लॉरेन्स बिश्नोई टोळीकडून सतत जीवे मारण्याच्या धमक्या येत होत्या. सलमानला टोळीकडून अनेक धमकीचे मेल आले होते, त्यानंतर मुंबई पोलिसांनी गँगस्टर लॉरेन्स बिश्नोई, गोल्डी ब्रार आणि इतर आरोपींविरुद्ध एफआयआर नोंदवला होता. लॉरेन्स बिश्नोई सध्या पोलिस कोठडीत आहे. तर, गोल्डी ब्रार याच्यावर कॅनडाच्या पोलिसांनी बक्षीस ठेवले आहे. इंटरपोलने त्यांच्याविरुद्ध रेड कॉर्नर नोटीस जारी केली आहे.
