पुढे ती म्हणाली, “शूट संपल्यानंतर मला एकदा सलमान सरांना भेटायचे होते. त्यासाठी मी जवळपास ५० लोकांशी बोलले. मी पंडित जनार्दन यांची भेट घेतली आणि सलमान सरांना भेटण्याची इच्छा व्यक्त केली. त्यांनी मला आश्वासन दिले आणि आम्ही सलमान सरांना भेटायला गेलो. पण तिथे मला वाईट वागणूक देण्यात आली. माझा अपमान केला. मला श्वानासारखे बाहेर काढण्यात आले. कारण मला त्यांच्याबरोबर एक फोटो काढायचा होता. सुमारे १०० लोकांसमोर माझा अपमान झाला. तेथे मला वैयक्तिकरित्या ओळखणाऱ्या अनेकांचा समावेश आहे. या घटनेनंतर मी १० दिवस झोपू शकले नाही. सलमान सर घटनास्थळी उपस्थित नव्हते, पण ते आजूबाजूला होते, त्यांना हवे असते तर ते हस्तक्षेप करू शकले असते, पण त्यांनी तसे केले नाही. त्यामुळे सलमान खान सरांना पुन्हा कधीही भेटायला मला आवडणार नाही”
