रिझर्व्ह बँक ऑफ इंडिया (RBI) ने सलग सहाव्यांदा व्याजदरात बदल केलेला नाही. RBI ने व्याजदर 6.5% वर कायम ठेवले आहेत. म्हणजे कर्ज महाग होणार नाही आणि तुमचा EMI सुद्धा वाढणार नाही. फेब्रुवारी 2023 मध्ये RBI ने शेवटचे दर 0.25% ते 6.5% ने वाढवले होते.
नवी दिल्ली : रिझर्व्ह बँक ऑफ इंडिया (RBI) ने रेपो रेट जाहीर केला असून, सलग सहाव्यांदा व्याजदरात बदल केलेला नाही. RBI ने व्याजदर 6.5% वर कायम ठेवले आहेत. रेपो रेटमध्ये कोणताही बदल न केल्याने कर्ज महाग होणार नाही आणि तुम्हाला जो हफ्ता भरायला लागतो. तो सुद्धा वाढणार नाही.
गेल्या आर्थिक वर्षात रेपो दरात 6 वेळा 2.50% ने वाढ करण्यात आली होती. रिझर्व्ह बँकेचे गव्हर्नर शक्तिकांत दास यांनी आज (गुरुवार) पासून सुरू असलेल्या चलनविषयक धोरण समितीच्या (MPC) बैठकीत घेतलेल्या निर्णयांची माहिती दिली. दर दोन महिन्यांनी ही बैठक होते. आरबीआयने डिसेंबरच्या आधीच्या बैठकीत व्याजदर वाढवले नव्हते.
