एकीकडे दीपा आणि कार्तिकच्या नात्यात दुरावा निर्माण होत असताना आता त्यांच्या मुलींच्या आयुष्यात देखील वादळ आलं आहे. दीपिका आणि कार्तिकी यांच्या आयुष्यात आलेला मुलगा हा कच असून, त्याने दोघींची फसवणूक केल्याचे देखील समोर आले आहे. आयेशाच्या बहिणीचा मुलगा आर्यन हाच दीपिका आणि कार्तिकी या दोघींनाही एकाच वेळी प्रेमात पाडून त्यांच्याशी प्रेमाचं नाटक करत आहे. मात्र, ही गोष्ट आता दोघींच्याही लक्षात आली आहे. तर, आर्यन हा केवळ माझा आहे, असा हट्ट कार्तिकीने धरला आहे. तर, दीपिका आपल्या नात्यात मध्ये आल्याचा तिचा समज झाला आहे.
