‘रंग माझा वेगळा’ या मालिकेच्या येत्या भागात हा नवा ट्रॅक पाहायला मिळणार आहे. यात दीपा घरात एका कार्यक्रमाची तयरी करताना दिसणार आहे. याची सगळी तयारी सुरू असताना दीपा केक आणण्यासाठी एका व्यक्तीला फोन करते. हा व्यक्ती आपण केक घेऊन आलो आहोत, असे सांगून दीपाला घराबाहेर बोलवतो. यावेळी दीपा केकची डिलिव्हरी घेण्यासाठी बाहेर गेली असता, तिला काही लोक बेशुद्ध करून गाडीत टाकतात. यानंतर आता दीपाला एका बंदिस्त जागी ठेवण्यात येणार असून, तिला मानसिक आणि शारीरिक त्रास दिला जाणार आहे. आता दीपाच्या जीवावर नक्की कोण उठलंय आणि ही खेळी नक्की कोण खेळतंय याचा खुलासा अद्याप झालेला नाही.
