सुपरस्टार रजनीकांत यांनी त्यांच्या आगामी चित्रपट ‘जेलर’चे शूटिंग पूर्ण केले आहे. या चित्रपटात रजनीकांत जेलर मुथुवेल पांड्यानच्या भूमिकेत दिसणार आहेत. प्रियांका मोहन, शिवा राजकुमार, जॅकी श्रॉफ, राम्या कृष्णन, योगी बाबू, वसंत रवी, विनायकन यांच्यासह अनेक कलाकार रजनीकांत यांच्या आगामी चित्रपटात दिसणार आहेत. इतकेच नाही तर, मल्याळम अभिनेता मोहनलाल देखील या चित्रपटात छोट्या भूमिकेत दिसणार आहे. तर, दुसरीकडे रजनीकांत लवकरच ‘थलायवर १७०’चे शूटिंग सुरू करू शकतात, असे देखील म्हटले जात आहे. रजनीकांत यांच्या करिअरमधील हा १७०वा चित्रपट आहे, त्यामुळे चित्रपटाचे नाव ‘थलायवर १७०’ ठेवण्यात आले आहे.
