Rahul Roy Says Thanks To Salman Khan: ‘आशिकी’ या चित्रपटातून अवघ्या प्रेक्षकांना भुरळ घालणारा अभिनेता राहुल रॉय याने त्याच्या आयुष्यात अनेक संघर्षाचा सामना केला. अभिनेता राहुल रॉय याने नुकतीच एक मुलाखत दिली. या मुलाखतीत त्याने सलमान खानचे आभार मानले आहेत. यामध्ये त्याने खुलासा केला की, २०२०मध्ये जेव्हा त्याला ब्रेन स्ट्रोक आला, तेव्हा सलमान खानने त्याच्या हॉस्पिटलचे बिल भरले होते. राहुल रॉयच नव्हे, तर त्याच्या बहिणीने देखील सलमान खानला ‘हिरा’ म्हटले आहे. ब्रेन स्ट्रोकमुळे अभिनेत्याला दीड महिना रुग्णालयात राहावे लागले होते. त्यातून सावरायलाही त्याला खूप वेळ लागला.
