‘तीसरी मंझिल’ चित्रपटानंतर आशा भोसले यांनी आरडी बर्मन यांच्यासाठी गाणे सुरू केले. आरडींनी संगीत दिलेल्या चित्रपटात आशा भोसले यांचा आवाज नक्कीच असायचा. दोघांनी ७०च्या दशकापर्यंत अनेक हिट चित्रपटांमध्ये एकत्र काम केले. याच काळात आरडी बर्मन आणि आशा भोसले या दोघांचे लग्न मोडले होते. आरडी बर्मन त्यांची पत्नी रिता पटेल यांच्यापासून विभक्त झाले होते. तर, आशा यांनी पती गणपतराव भोंसले यांचे घर सोडले होते. दोघेही आयुष्याच्या प्रवासात एकटे पडले होते. एकत्र काम करताना त्यांना एकमेकांची साथ मिळू लागली.
