Pune Traffic change : पुण्यात आज राजकीय रणधुमाळी रंगणार आहे. बारामती, शिरूर आणि पुणे लोकसभेसाठी विविध पक्षांचे उमेदवार आज विभागीय आयुक्त कार्यालय आणि पुणे जिल्हाधिकारी कार्यालयात उमेदवारी अर्ज दाखल करणार आहेत. या पूर्वी हे उमेदवार मोठे शक्ति प्रदर्शन करणार आहेत. त्यामुळे विभागीय आयुक्त कार्यालय आणि जिल्हाधिकारी कार्यालय परिसरात आज वाहतुकीत बदल करण्यात आला आहे. या बदलांची दखल घेऊन नागरिकांनी घराबाहेर पडावे असे आवाहन पुणे वाहतूक पोलिसांनी केले आहे.
